Corale LE TRE VALLI di Saluzzo
Cantè nostre radis Vol 3

Brano 1 : Montagne del me Piemont
prev next musica occitana

Montagne del mè Piemont 
(Gipo Farassino – armonizzazione Carlo Semeria)

Montagne del mè Piemont che base 'n front sta mia sità.
Montagne del mè Pais ch'i sghice l'euj al Paradis
porté lassù 'nt el cel ij seugn d'en bugia nen
portè lassù 'nt el cel ij seugn d'en bugia nen.

Disejlo che a sta sità a-j manca 'l fià per protesté
disejlo domje na man domje 'n po' d' sul e 'n cel seren.
Crijè fe 'n po' 'd rabel lassu, lassu 'nt ciel.
Crijè fe 'n po' 'd rabel lassu , Iassu 'nt ciel.
Crijè fe 'n po' 'd rabel lassu , lassu 'nt ciel.

Matin sla borgà mòrta
Quaidun sangiuta, a l'ala, sla borgà
quand che dal cel j'ùltime stèile smòrte
a casco, coma 'd fior, sle bàite mòrte
abandonà 'n cò dla piarda brusà...
Ij cop ëd pera a l'han 'd rifless d'argent
e a smijo dë spluve, ant la matin, che a luso,
ùltime arlichie, che pian pian a bruso,
d'un temp che ormai l'é sënner ant ël vent.
E ant ël silensi grev, pen-a l'é di,
ansema al vòl ëspèrs dij primi osèj,
ritorno giù dal cel ij nòstri Vej
come portà dal pior dl'eva dël rì...
E tuti an fila a passo a un a un
për ij senté che a san d'odor d'arciuss,
con tuti ij ragg dël sol tabusso a j'uss
dle bàite frèide come tombe 'd gnun.
Procission Santa, sensa "Miserere"
a va mineuja tra ij fornej dëstiss,
come un arcòrd ëd vita che a svaniss,
fiama d'amor su 'n monument ëd pere...
Ma quand, da 'n fond dla val, la vos lontan-a
d'una ciòca ven dì l'Ave Marìa,
e gnun da la borgà dis "Così sia..."
... në s-cionf ëd pior a nija ant la fontan-a.
Camillo Brero
Corale LE TRE VALLI di Saluzzo
sede del coro c/o Palazzo Italia
piazza Cavour 14 - 12037 SALUZZO CN

ghironda
Rubriche
personaggi

by www ghironda.com